Лідарка беларускіх дэмакратычных сіл Святлана Ціханоўская будзе ўдзельнічаць ад Беларусі на цырымоніі ў гонар 80-годдзя вызвалення канцлагера Аўшвіц (Асвенцім), паведамілі ў Аб’яднаным пераходным кабінеце (АПК).
«Святлана Ціханоўская разам з сусветнымі лідарамі запрошаная ад Беларусі на цырымонію 80-годдзя вызвалення канцлагера Аўшвіц. У цырымоніі разам з кіраўніцай кабінета возьме ўдзел яе намеснік Павел Латушка», — расказалі ў АПК.
Прысутнічаць будуць больш за 80 дэлегацый ад розных краін, арганізацый і структур, уключаючы NATO, ЮНЕСКА, Еўрапарламент.
Чакаецца, што на цырымоніі будзе і прэзідэнт Украіны Уладзімір Зяленскі, а таксама кіраўнік Францыі Эманюэль Макрон, кароль Вялікабрытаніі Карл ІІІ і іншыя.